رحمة حسن كشفت تطورات حالتها الصحية وذلك بعد أن عضها كلب في الشارع، حيث أكدت أنها ما زالت تتلقى علاجا بسبب الكلب. وسوف تتخذ إجراءات قانونية وذلك في حال لم يتم معالجة الكلب، لكي لا يعمل على عض أي أشخاص آخرين.
رحمة حسن ستتخذ موقفا قانونيا
وعلى حسابها الشخصي على موقع تداول الصور والفيديوهات كتبت رحمة: “أنا حقيقي تعبانة ومتأزمة جدا، وکوابیس. ومش عارفة حتى أقرب من القطة بتاعتي وألعب معاها، لاني خايفة عليها لحد ما اخلاص العلاج “.
وتابعت: “النهاردة أخدت الجرعة التانية، ولسه هكمل طبعا، ده غير وجع الجرح حقيقي. اللي عاوزه أقوله إن فعلا لو بعد شهر ما حصلش حاجه تخص الكلب و علاجه و تغيیر سلوكه و عدم نزوله بدون كمامة أنا هروح آخد موقفا قانونيا. لاني فعلا تعبانة جسديا ونفسيا جدا جدا، وخايفة جدا يحصل ده لحد تاني وأكون أنا السبب إني ماخدتش موقف”.
وبعد ذلك طمأنت رحمة جمهورها بنشر صورة على إنستجرام تؤكد أن الكلب ليس مسعورا.
https://www.instagram.com/p/CehYABfq9TC/?utm_source=ig_web_copy_link
بداية الواقعة
البداية كانت بإعلان رحمة تعرضها لعضة كلب وذلك بالقرب من منزلها. وقد سبب ذلك صدمة لها مما جعها تخاف من القطط والكلاب.
وقالت على إنستجرام: “مساء الخير، إمبارح الساعة 11 بليل كنت نازلة أجيب حاجة من السوبر ماركت جمب البيت. وكنت ماشية علي الرصيف وكان في عربيه بتركن جمبي عادي، فجأة الباب اتفتح ولقيت كلب جيرمن شيبرد تقريبا مَش متأكدة أوي بيهجم عليه بكل قوته. طبعا حاولت أجري لكن للأسف الكلب كان قوي وشرس ووقعني على الأرض.
واستكملت رحمة: “حاولت أقوم وأجري وصاحبته حاولت تشده بس فك الليش بتاعه وعضني عضة كبيره وغويطة بنابه في منطقة حساسة. وصاحبة الكلب كتر خيرها أخذتني فورا على مستشفي إمبابة. وادوني حقنة تطعيم الكلب ولسه فاضلي ٤ هاخدهم خلال شهر، بس المشكلة إن من إمبارح الجرح بينزف دم كتير، وأنا طبعا خايفة ومصدومة”.
رحمة حسن تعاني من تروما
وأردفت: “وتعبانة وعندي تروما من إمبارح، واللي واجعني أكتر إني مَش عارفه اتصرف إزاي، خصوصا إني أكيد مش عايزه الكلب يتإذي. بس كمان مَش عايزة اي إنسان كمان يتأذى ويتعض ويتبهدل في الشارع زيي”.
وأوضحت رحمة حسن: “أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بمشي بعيد عنه لما بشوفه. إمبارح صاحبة الكلب قالت لي متخافيش هو عض ولادي قبل كدا وتمام محصلش حاجه!، طبعا أنا اتصدمت لما عرفت أنها مش أول مرة الكلب يعض حد. ومع ذلك هي سايباه عادي في الشارع من غير كمامه أو حد قوي يمسكه”.
واستكملت: “بجد حرام عليكم، الكلب لما بيكون حجمه. كبير وشرس بيعتبر سلاح، وصاحبه مسؤول مسؤولية كاملة عنه ويحاسب على إهمال مسؤليته، خصوصا لو إهماله تسبب لشخص تاني. في أذي بدني يحتاج أكتر من 21 يوم علاج وأذي نفسي معرفش هيحتاج قد إيه عشان يخف”.
وأوضحت: “أنا كنت بحب أنزل أحط أكل وميه للكلاب والقطط. تحت البيت، دلوقتي أنا حقيقي مرعوبة أقرب منهم وخايفة جدا، أنا اسفه طولت عليكم بس أنا بجد مَش عارفه المفروض أعمل ايه. عشان محدش تاني”.
